Nagalab-ot sa masobra P1.89 million nga kantidad sang cocaine ang nakuha sa isa ka container van sang PDEA 12 Seaport Interdiction Unit upod ang NBI 12 Sarangani DO kag Philippine National Police sa ginpatigayon nga K9 paneling kag sniffing sa CMA CGM 40ft reefer container van sa Kudos Trucking Compound, Upper Molok Bridge, Brgy. Labangal, General Santos City, alas 4:40 sang hapon sang Nobyembre 30, 2020.
Ginpatigayon ang nasambit nga tikang matapos nga nakabaton sang report ang ahensya halin sa kumpanya nga may ginapatihan illegal drugs nga nakit-an ang technician sa sulod sang aircon compartment sang nasambit nga container van.
May-angot sini, base sa laboratory report sang PDEA 12 Regional Laboratory nga cocaine ang nadiskubrihan nga may kabug-aton nga 356.48 grams.
Padayon naman ang imbestigasyon sa ginhalinan sang container van kag sa mga imbolbado nga personalidad.
