CAUAYAN CITY — ARESTADO ANG DALAWANG LALAKI, KABILANG ANG ISANG MENOR DE EDAD, MATAPOS MAHULIHAN NG HALOS ISANG KILO NG HINIHINALANG TUYONG DAHON NG MARIJUANA SA ISINAGAWANG BUY-BUST OPERATION NG PDEA NITONG SABADO NG GABI, AGOSTO 9, 2025 SA BARANGAY MASOC, BAYOMBONG, NUEVA VIZCAYA.
KINILALA ANG MGA SUSPEK NA 25-ANYOS AT 17-ANYOS NA KAPWA RESIDENTE NG BAMBANG, NUEVA VIZCAYA. NAREKOBER MULA SA KANILA ANG TINATAYANG 912 GRAMO NG MARIJUANA NA MAY HALAGANG MAHIGIT ₱109,000.
AYON SA IMBESTIGASYON, NAGSIMULA ANG OPERASYON NANG MAKABILI ANG OPERATIBA NG 150 GRAMO NG MARIJUANA MULA SA MGA SUSPEK KAPALIT NG ₱5,000 MARK MONEY.
KASUNOD NITO, NASAMSAM ANG LIMANG SACHET PA NG MARIJUANA MULA SA SLING BAG NA NAKALAGAY SA LIKURAN NG UPUAN NG TRICYCLE NA GINAMIT SA TRANSAKSIYON.
BAGAMAN MENOR DE EDAD, LUMABAS SA PAGSUSURI NG MUNICIPAL SOCIAL WELFARE AND DEVELOPMENT OFFICE NA MAY GANAP NA KAALAMAN ANG GRADE 11 NA ESTUDYANTE SA ILEGAL NA GAWAIN. DAHIL DITO, KAPWA SILA SASAMPAHAN NG KASONG PAGLABAG SA REPUBLIC ACT 9165 O COMPREHENSIVE DANGEROUS DRUGS ACT OF 2002.
NANAWAGAN NAMAN SI PDEA NUEVA VIZCAYA INVESTIGATION AGENT ROSARIO ABELLA SA MGA MAGULANG NA ABANGAN AT BANTAYAN ANG KANILANG MGA ANAK UPANG MAIWASANG MASANGKOT SA ILEGAL NA DROGA AT IBA PANG KRIMINAL NA AKTIBIDAD.
