Davao City – Na-dismantled atol sa joint drug operation sa PDEA XI ug Mati City Police Office ang drug den sa may Bilawan-3, Tambiling, Brgy. Central Mati City, Davao Oriental.
Sumala ni Mati City Police Office Station Commander Lt. Col Adolfo Eyan sa interbyu sa RMN Davao nga pasado alas 2 sa kaadlawon, positibong napalitan og shabu ang High Value Target si Jimedel Robin Lopez atol sa buybust.
Samtang sulod sa maong drug den arestado usab ang lain pang mga drug suspects nga sila Benjamin Owano Lozano, Rodjie Papas Robin apan daling nakaiktad ang duha ka mga suspek nga sila , Raymond Matundo ug Jessel Magsayo Miones.
Narekober sa mga awtoridad ang anaa sa 10 gramos o mokantidad sa P105,000 nga shabu.
Kasong paglapas sa RA 9165 ang atubangon sa tulo ka mga suspek.
RadyoMaN Aimee Guinita
