Davao City – Nakumpiska sa Sarangani Municipal Police ug Philippine Coast Guard ang anaa sa P100K kantidad nga mga sigarilyo sa may Patua Brgy. Batuganding, Sarangani, Davao Occidental.
Sumala sa kapulisan nga atol sa ilahang operasyon subay sa gipadangat nga report nga adunay ipalusot nga smuggled nga sigarilyo giabandona na sa mga suspek ang maong mga kontrabando nga tataw nga bayolasyon sa Customs and Tariff Code of the Philippines R.A 4712.
Matud ni Davao Occidental Police Provincial Director P/Sr. Supt. Thor Cuyos nga palawman nila ang imbestigasyon aron ma-identify ang mga suspek.
“Retailers, distributors and importers involved in the sales of smuggled cigarettes will also be held liable for tax violations and subject to criminal prosecution pursuant to the law,” matud niini.
Samtang, gipahimangnuan ni Police Regional Office XI Regional Director PCSUPT Marcelo Morales ang publiko nga dili mamalit sa mga smuggled nga mga produkto.
“I am reminding the retailers to purchase cigarette products only from legitimate sales personnel to ensure that the products carry the mandated tax stamps,” segun niini.
RadyoMaN Aimee Guinita
