Davao City – Nadakpan sa mga otoridad ang usa ka lalaki nga giilang si alyas “Rey”, Paquibato District, Davao City atol sa buy-bust operation nga gilusad sa Barangay Cambanogoy alas 11:05 miaging gabii.
Ang operasyon gipangunahan sa Asuncion Police Station pinaagi sa Station Drug Enforcement Team (SDET) uban ang laing pwersa sa kapulisan.
Sa maong operasyon, nasakmit sa kapulisan ang pito (7) ka heat-sealed sachets nga gituohang shabu nga adunay timbang nga 15 gramo ug nagkantidad og P102,000.
Sa karon, naka kustudiya na ang dinakpan ug mag-atubang og kaso sa korte ilawom sa Republic Act 9165 o ang Comprehensive Dangerous Drugs Act of 2002.
Padayon sab ang kapulisan sa paningkamot aron maputol ang operasyon sa ilegal nga droga sa Davao del Norte ug masiguro ang kaluwasan sa komunidad.
Radyoman Kareen Beltran
Facebook Comments
