Davao City – Kantidad P11.8M sa illegal drugs nga gilangkuban sa shabu ug marijuana ang gisunog sa Philippine Drug Enforcement Agency (PDEA) sa usa ka heat chamber sa Philippine Japan Active Carbon Corp., Malagamot, Panacan, Davao City kagahapong adlawa, March 16, 2022.
Sumala ni PDEA XI Regional Director Aileen Lovitos, ang mga droga maoy nagsilbing ebidensya sa mga decided drug cases dinhi sa Davao Region. Gibutyag ni Lovitos gisunog ang mga droga aron dili na subling magamit o ma-recycle.
“Stated sa balaod, mandated na siya sa RA 9165 nga naa gyuy destruction of illegal drugs. Ang na-witness ninyo karon mao kana sya ang tubag nga walay nahimong pag-recycle sa confiscated illegal drugs,” matud niini.
Anaa sa 771 gramos sa shabu kantidad og P11,566,083 ug 2,109 gramos sa marijuana nga nagkantidad sa P253,150,056 ang gisunog.
RadyoMaN Aimee Guinita
Facebook Comments
