Davao City – Mitunol og tabang pinansyal ang Davao City Police Office (DCPO), ilawom sa pagpanguna ni PCOL Mannan C. Muarip, Acting City Director, ngadto kang PSSg Dilangalen nga kasamtangang naospital sa Davao Medical School Foundation Hospital (DMSF).
Sa report, anaa sa kinatibuk-ang kantidad nga ₱111,450.00 ang natigom gikan sa tabang mismo sa mga personahe sa DCPO ilawom sa humanitarian program nga “OPLAN MALASAKIT,” nga nagtumong sa paghatag og paspas nga suporta sa mga kaubanan nga nagkinahanglan og medikal nga atensyon.
Gani, mihatag usab og suporta ang Regional Medical and Dental Unit 11 (RMDU 11), nga ginangulohan ni PLTCOL Elinor L. Bautista, pinaagi sa pag-coordinate sa medikal ug pinansyal nga panginahanglan sa pasyente ug sa iyang pamilya.
Ang pagtinabangay ug paspas nga aksyon nagpamatuod, matud pa, nga ang DCPO ug ang mga partner agencies seryoso sa pag-atiman sa ilang mga personahe.
RadyoMaN Kareen Beltran
Facebook Comments
