P12, 000 nga Christmas bonus sa mga job order sa Gensan- aprubado na sa SP

General Santos City—Segurado na ang P12,000 ka pesos nga Christmas bonus para sa mga job orders sa lokal nga panggamhanan sa Gensan human kining ma-aprubahan sa hawanan sa konseho sa milabay’ng adlaw nga Miyerkules. Sumala kang City Councilor Jeng Gacal, Chairman sa Committee On Finance nga sa karon ang mga regular nga empleyado ang wala pa naapil sa listahan sa Supplemental Budget No. 8. apan nauna na matud pang gibutyag sa ehikutibo nga adunay ihatag apan kung pila ug kung asa kuhaon kana ang ilaha pang sutaon ug tan-awon kung adunay savings ang LGU.

Saysay niya nga dili nalang una mag-expect ug dako sama sa nanglabay nga katuigan. Samtang gibutyag ni Kagawad Gacal nga lakip sa mga na-aprubahan sa committee on finance mao ang 250, 000 nga performance bonus isip incentives sa mga empleyado sa city planning ug Human Resource. Kini gumikan sa mga awards matud pa nga ilahang nakuha ug tungod niini, angayan lang sila nga hatagan ug insintibo aron pamarisan sa uban pang mga departamento.

Nasayran nga lakip sa mga na-aprubahan mao ang anaa sa 41 milyon ka pesos para sa ayuda sa mga pabiling apektado sa covid-19 nga maoy ipalit ug bugas, de lata ug uban pa. Apan gibutyag ni Kagawad Gacal nga dili na kini angayan pang hatagan ug budget tungod nibalik naman ang ekonomiya ug balik sa trabaho ang halos tanang empleyado.(LVR)


Facebook Comments