Davao City – Malipayon nga gidawat sa mga local officials sa Davao Oriental, Davao Occidental, Davao de Oro, Davao del Norte ug Davao City ang fund assistance nga gitunol ni President Ferdinand Marcos Jr. alang sa mga labing apektado sa pagbaha ug landslide sa rehiyon.
Sa pagbisita ni PBBM sa Davao City gahapong adlawa, gituki sa presidente kauban ang mga opisyales ang epekto ug kadaot nga gibilin sa Shearline ug Trough of Low Pressure Area (LPA) ug dayong gipaabot sa rehiyon onse ang P130 million nga tabang gikan sa Office of the President’s Presidential Social Civic Fund.
Gawas usab emergency cash assistance gikan sa Department of Social Welfare and Development (DSWD), giaprubahan ni Marcos ang pagpagawas og P265 million alang sa kinatibuk-ang Mindanao.
Gahapon usab mihimo og aerial inspection si PBBM sa Barangay Masara, Maco, Davao de Oro aron sutaon ang area kung asa nahitabo ang landslide nga mitabon sa pipila ka mga tawo.
RadyoMaN Ivy Parido
Facebook Comments
