Davao City- Giimbestigahan pa sa Davao City Fire District (DCFD) ang hinungdan sa pagkasunog sa anaa sa 1,000 square meters nga bodega sa construction materials sa Sobrecarey St., Bo. Obrero, Brgy 14-B pasado alas-6 sa kagabie, Setyembre 21,2023.
Sa interbyu sa DXDC RMN Davao kang SFO4 Ramil Gillado, Davao City Fire District (DCFD) Intelligence and Investigation Section chief, niabot sa 2nd alarm ang maong sunog ug nilungtad kini og napulo ka oras una nadeklarang fireout.
Gibutyag niini naglisod gayod ang mga bombero tungod sa mga toxic materials nga naapil sa pagkasunog nga ilahang nahanggab.
Nideklara’g fireout ang BFP alas 4:24 sa kadlawon.
Mokantidad sa P13M ang damyos sa sunog ug walay natalang samdan o namatay sa insidente.
Hugot gihapong ginamonitor ang naugdaw nga bodega aron malikayan nga musilaob kini og balik.
RadyoMaN Aimee Guinita
Facebook Comments
