Sa post sa DXDC RMN Davao, mikomento ang usa ka Romeo Dayot ug Cecil Pefanio nga ugaling maduso ang usbaw, igo ra kini padulong sa mga kontribusyon ug buslot matud pa ilang bulsa ilabi pa nga nabati na sab ang oil price hike ug fare increase sa Davao City.
Nabahin ang mga reaksyon diin sumala sa uban netizens nga dako na kaayo ni nga tabang basta kabalo lang matud pa mugasto apan daghan gihapon ang misulting kini kulangon tungod laumang musaka pa ang presyo sa mga palaliton.
Subay kini sa gibutyag sa Trade Union Congress of the Philippines nga mutambong sila sa State of the Nation Address (SONA) ni President Ferdinand Marcos Jr. karong July 22, 2024 aron ipanawagan sa kasamtangang gobyerno ang dugang P150 nga usbaw sa sweldo sa mga mamumuo sa nasud.
RadyoMaN Ivy Parido
