Sa pakighinabi sa DXDC RMN Davao kang Paco, rice retailer sa Agdao Palengke, iyang gisaysay nga kagahapon sa dihang nakadawat siya og mensahe kalabot sa maong ayuda nga ilang madawat sa pagpanguna sa Department of Social Welfare and Development (DSWD) nga laumang ma-release karong adlawa, September 13, 2023.
Giingon ni Paco nga kinahanglan nila nga sundon ang maong price ceiling nga gipatuman sa gobyerno bisan og ilaha kining ikalugi. Gipasalamat usab niini ang aksyon sa gobyerno pinaagi sa nahisgutang financial assistance.
“Even though gamay sya (ang P15k) pero makatabang na gyud na sa amoa pangtapal lang atong shortage namo since pag-implement nila sa P41-45 (price ceiling) kay short gyud ko actually. Wala man mi lain choice. Wala may mutunol sa amoa lain,” sulti ni Paco.
Gawas sa financial aid, gipanawagan usab sa rice retailer nga ipatuman usab dinhi sa dakbayan ang usa ka bulan nga libreng renta sa ilang pwesto sama sa gihimo sa ubang Local Government Unit (LGU).
“Gusto pud na namo sya isulong gyud nga pwede pud unta nga ma-free mi at least one month lang nga exemption lang renta namo kay wala pa man gyud mi karekober,” panawagan sa rice retailer.
RadyoMaN Kirby Manzon
