Timbog ang isang lalaki na tulak umano ng droga sa Muntinlupa City matapos ikasa ang buy-bust operation laban sa kanya.
Nakilala ang suspek na si Nicky Valenzuela Calotes, 50-anyos, at residente ng Brgy. Bayanan, ng lungsod.
Nasamsam ng mga pulis ang 25 grams na hinihinalang shabu na may katumbas na halaga na 170,000 pesos.
Nakuha rin ng mga pulis mula sa suspek ang 1000 pesos na ginamit bilang buy-bust money.
Ginawa ang nasabing operasyon sa Purok 3 Block 6, Brgy. Bayanan, lungsod ng Muntinlupa pasado alas-10:20 kagabi.
Nakakulong na ang suspek sa Muntinlupa City Police Station Custodial Facility at nahaharap ito sa kasong paglabag sa Republic Act 9165 o Comprehensive Dangerous Drugs Act of 2002.
Facebook Comments
