Sa interbyu sa DXDC RMN Davao kang JenJen Tuna, 62 anyos giingon niya nga kining gi-aprubahan sa House of Representatives nga hatagan og cash gift ang mga Filipino centenarians nga mo-edad og 101 years old lisud na nga makabot anang edara.
Sugyot usab ni Tuna nga mas maayo nga paubsan ang edad nga ma cover sa P1M gikan sa 80 anyos ngadto na sa 90 anyos aron daghan ang maka benepisyo niini.
Sumala ni Tuna, kun naa may moabot sa 101 years old gamay ra og dili na daghan ang maka-avail sa maong programa sa gobyerno.
Gidugang pa sa senior nga sa ilang barangay, usa sa gitagaan og pagtagad sa mga senior citizen ang programa sa ayuda sama sa social pension.
Samtang nahinabi usab sa DXDC News Team si Barangay 8A Kagawad Ruben Dongzal kinsa nag ingon nga usa sa gitutokan sa Barangay Council ang programang annual subsidy sa mga senior citizen gikan sa lokal nga panggamhanan apil na usab niini ang ilang Social Pension nga modawat og P1,500 ang matag usa.
Gidugang ni Dongzal nga sa ilang barangay, adunay 600 ka mga senior citizen ang naka benepisyo sa maong programa.
Gipasabot sa opisyal nga pinaagi sa programa sa gobyerno, dako kining tabang alang sa mga senior citizen.
RadyoMaN Don Pulayao
