Davao City- Mokabat sa usa ka gatos ka mga kabalayan ang naugdaw sa sunog sa Punta Dumalag sa Barangay Matina Aplaya, Davao City niadtong Sabado (Hulyo 17, 2021).
Sa interbyu sa DXDC RMN Davao kang Fire Supt. Alex Pamaybay, Davao City Fire District chief, tungod sa nabiyaan nga niluto ang hinungdan sa sunog ug nahimong lisod sa mga bombero ang pag-penetrate sa area tungod kay dikit-dikit ang mga balay sa lugar hinungdan nga niabot kini sa 3rd alarm.
“Challenge gyud siya kay squatter man gihapon, squatter area man. Ang ginabuhat gihapon sa atong mga kabomberohan kadtong magladlad gihapon og daghan nga mga hoses. Medyo lisod gyud ang agianan,” sulti ni Pamaybay.
Narekober sa mga sakop sa Bureau of Fire Protection (BFP) ang patay’ng lawas sa usa ka senior citizen nga na-trap sa sunog sa Punta Dumalag 2, Brgy.75-A, Matina Aplaya, syudad sa Davao niadtong Sabado sa hapon.
Naila ang biktima nga si Reynaldo Salinas, 76 anyos, residente sa maong lugar.
Lakip sa nasunog ang Diego Silang Elementary School ug anaa 400 ka mga pamilya ang na-displaced sa maong dakong sunog.
RadyoMaN Kirby Manzon, RadyoMaN Don Pulayao
