Base sa impormasyon sa Talomo Police Station, pinaagi sa pakigalayon sa Talomo Bureau of Fire Protection (BFP) ug kang FO1 Rei Charles P. Suarez, nadiskobrehan sa imbestigasyon nga ang depektibong electrical wiring maoy hinungdan sa sunog.
Matod pa sa pag-umangkon sa tag-iya nga si alyas Jayjay, siya maoy unang nakadungog og pag-spark sa kuryente gikan sa usa ka walay sulod nga kwarto. Sa dihang gisusi nila, nagdilaab na ang maong lawak, hinungdan nga dali silang mitawag sa Central 911 aron mangayo og tabang.
Dayon usab nga narespondehan sa mga personahe sa BFP ug fire volunteers ang sunog, ug wala may natalang casualty o naangol atol sa insidente.
Ginabana-bana nga nagkantidad og P2,000,000.00 ang kinatibuk-ang damyos sa maong sunog.
RadyoMaN Kareen Beltran
