CAUAYAN CITY – OPISYAL NANG INILUNSAD ANG PROGRAMANG ‘BENTENG BIGAS, MERON NA’ KAHAPON AGOSTO 13, 2025, SA NFA COMPOUND, SANTIAGO CITY.
DINALUHAN ANG PROGRAMA NG MGA KINATAWAN MULA SA DA, LGU SANTIAGO, AT NFA CAGAYAN VALLEY. IPINALIWANAG ANG MGA PANUNTUNAN NG PROGRAMA, HABANG PINASALAMATAN NG MGA OPISYAL ANG PANGULO SA PAGTUTOK SA KAPAKANAN NG MGA MAGSASAKA.
MAKAKABILI NG BIGAS SA HALAGANG ₱20 KADA KILO ANG MGA REHISTRADONG MAGSASAKA AT FARM WORKERS SA ILALIM NG REGISTRY SYSTEM FOR BASIC SECTORS IN AGRICULTURE (RSBSA).
PINAPAYAGAN SILANG BUMILI NG HANGGANG 50 KILO MULA AGOSTO HANGGANG DISYEMBRE 2025, GAMIT ANG KANILANG RSBSA CARD O QR CODE BILANG PATUNAY.
ITO AY BAHAGI NG FLAGSHIP PROGRAM NI PANGULONG FERDINAND R. MARCOS JR. SA PAKIKIPAGTULUNGAN NG DEPARTMENT OF AGRICULTURE (DA), FOOD TERMINAL INC. (FTI), AT NATIONAL FOOD AUTHORITY (NFA) NA LAYUNING MAKAPAGBIGAY NG ABOT-KAYANG BIGAS SA MGA REHISTRADONG MAGSASAKA.
SAMANTALA, UNA NANG ISINAGAWA ANG DISTRIBUSYON SA APAT NA LUGAR SA ISABELA – SANTIAGO CITY, ECHAGUE, SAN MATEO, AT ROXAS.
