Nauyonan sa mga sakop sa Regional Tripartite Wages and Productivity Board-7 ang paghatag ug P20.00 nga usbaw sa suweldo alang sa mga nikita ug minium wage sa Metro Cebu .
Gibutyag kini sa Regional Director sa Department of Labor and Employment og nagsilbing chairman sa RTWPB-7 nga si Atty. Alvin Villamor atol sa ilang katapusang deliberasyon sa wage increase karong adlawa.
Human nauyonan sa board ang P20.00 nga umento iduso kini ngadto sa National Wages and Productivity Commission (NWPC) alang sa pagreview og komento niini .
Kung kini maaprobahan sa NWPC , ibalik na kini ngadto sa RTWPB-7 aron ipublikar sa pamantalaan sud sa 15 ka adlaw una kini hingpit nga ipatuman.
Apan ipatuman ang mas ubos nga usbaw sa mga lugar gawas na sa Metro Cebu area.
