TACLOBAN CITY – Maghahatag hin P200,000 nga pabuya hi Tanauan, Leyte Mayor Pel Tecson ha makakabiling o makakagtudlok ha mga suspek nga pumatay kan Mateo “Bong” Perez, usa nga negosyante ngan contractor.
Hi Perez in ginpamumusil-patay kakulop, September 29 ha atubangan han bulangan ha Brgy. Magay, Tanauan, Leyte.
Ha interview han RMN kan P/Capt. Delfin Bardillon, chief of police han Tanauan, nakukurian hira pag identify han mga suspek tungod nga naka helmet ngan naka-mask pa an mga ini basi ha kuha han mga cctv footages.
Diri naman klaro ha cctv an plate number han motorsiklo nga gin-gamit han mga suspek, sanglit mangangaro hin bulig an Tanauan PNP ha Police Regional Office 8.
Samtang, kukuhaon an P200,000 ha pondo han Munical peace and order.
