SILAY CITY, NEGROS OCCIDENTAL – Ginabulubanta nagdangat sa kapin P200 mil pesos ang balor sang 18 ka sachet sang suspected shabu nga na-recover sa 2 ka mga suspek sa drug buy bust operation kahapon sang hapon, July 25, 2018 sa ciudad sang Silay.
Nakilala ang mga suspek nga sanday Edward Rubio, 39 anyos ang edad, pumuluyo sang Rizal Proper, Brgy. Rizal kag Felix Berto Garcia, 19 anyos, residente sang Kalye Onse, Brgy. Rizal, tanan sang Silay City.
Ang buybust operation ginpatigayon sang mga katapo sang Silay City Police Station may mg alas 5:10 kahapon sang hapon sa Rizal Proper, Brgy. Rizal.
Nakuha sa possession sang mga suspek ang 1 ka medium sachet, 7 ka small sachet kag 9 ka big sachet sang suspected shabu lakip na ang P300 pesos nga buybust money subong man mga paraphernalia.
Sa karon ang mga suspek detained na sa custodial facility sang Silay City Police Station./dyHB BACOLOD
