P20M kantidad sa Farm-to-Market Road sa Quezon, pagasugdan na

Pagasugdan na ang P20M kantidad nga Farm-to-Market Project sa Brgy. Delapa, Quezon, Bukidnon isip suporta gikan sa nasud-ong pangagamhanan sa nasud.

Kini human gipahigayon ang groundbreaking ceremony kagahapon sa maong lugar nga napondohan pinaagi sa programang End Local Communist Armed Conflict (ELCAC) sa nasyonal nga gobyerno.

Dako ang pasalamat ni Mayor Poling Lorenzo sa paghatag pagtagad sa mga molo sa katawhan ilabi na nga ubay-ubay nga mga produkto ang ipagabyahe ngadto sa merkado nga muagi sa maong lugar.


Gawas sa Brgy. Delapa, nahilakip usab ang pipila ka mga barangay sa Quezon, Bukidnon nga nagahinan sa maong pondo alang sa mga Farm-to-Market Road Projects pinaagi sa programang ELCAC sama sa Brgy. Cawayan, Kipaypayon, Linabo, Lipa, Palacapao ug Sta. Felomina diin mukabat sa kinatibuk-ang P140M ang nagahin gikan sa nasyonal nga pangagamhanan aron na usab hapsay ang pagbyahe sa mga produkto gikan sa kabukiran ngadto sa merkado.

Facebook Comments