P20million natuga nga danyos sang fish kill sa Lake Sebu, South Cotabato.

51

Nagalab-ot sa P20 million ang kantidad sang natuga nga danyos sang 20MT sang tilapia nga apektado sang nagluntad nga fish kill/Kamahong sa banwa sang Lake Sebu sang Enero 8 kag 9 subong nga tuig.
Yara naman sa 250 ka mga fish cage operators kag isa ka libo ka mga fish cages ang apektado sang fish kill sa napulo ka mga sitios sang Brgy. Takunel, Poblacion kag Bacdulong.
Ginsiguro naman ni Lake Sebu Mayor Floro Gandam ang ayuda sa mga fish cage operators sa banwa nga apektado sang fish kill paagi sa paghatag sang fingerlings kag iban pa.
Samtang aminado si Mayor Gandam nga wala napatuman ang 10% sang total lake area nga amo lang ang dapat nga i-utilize tungod nagalab-ot pa sa 15% sa subong ang nabutangan sang fish cages.
May-angot sini, suno sa alkalde padayon ang ila pagpakigdayalogo sa mga fish cage operators agud mapatuman ang balaud.
Pahayag pa sang alkalde nga ipatuman ang clean-up drive sa mga apektado nga area paagi sa food/cash for work.
Ang kamahong ang masami nga nagakatabo kon tig-ululan nga nangin rason sang pagtaas sang sulfuric acid kag nagapanubo sang supply sang oxygen sa lake nga nagresulta naman sang pagkapatay sang madamo nga isda.

Facebook Comments