Davao City – Miabot sa 203 ka mga gambalay ug establisemento ug 543 ka mga kabalayan sa Davao de Oro ang nadamyos tungod sa magnitude 6.0 nga linog nga misentro sa Compostela, Davao de Oro niadtong Pebrero 1, 2023.
Kini ang datos sa Office of the Civil Defense (OCD) – National Disaster Risk Reduction and Management Council (NDRRMC) as of 8:00 AM, Pebrero 6, 2023.
Sa pagkakaron, muabot na sa P21,463,000 ang damyos sa probinsya tungod sa maong kusog nga linog.
Samtang, nakatala usab og 83 ka pamilya o 340 ka indibidwal ang apektado sa kalamidad.
Hinuon, natunolan na og tabang ang mga apektadong indibidwal diin muabot na sa P360,000 ang nahatag sa nahisgutan.
Sa pagkakaron nagpadayon gihapon ang assessment sa mga lugar sa Davao de Oro nga apektado sa pagtay-og.
RadyoMaN Kirby Manzon
Facebook Comments
