Davao City – Gikatakdang dabdaban sa Philippine Drug Enforcement Agency XI ang mga narekober nga mga bloke sa cocaine nga nidagsa sa baybayon sa Purok Talisay, Barangay Santiago, Caraga, Davao Oriental.
Kini sumala pa ni PDEA-XI Regional Director Antonio Rivera atol sa pakighinabi sa RMN Davao.
“In this case kini sa atong cocaine nga nakuha wala man tay gifile-an nga kaso so therefore all we have to do is after all it was all documented and it was already tagged we will request sa atong Director General Aaron Aquino for the destruction of these cocaine,” matud ni Rivera.
Gibutyag ni Rivera nga mas maayong sunugon aron masiguradong dili na kini mapahimuslan pa.
Kahinumduman nga narekober sa mga awtoridad ang anaa sa 250 Million kantidad sa cocaine niadtong adlawng Dominggo.
“Ang logical assumption nato diha is gihulog na siya didto sa layo-layo and then naanod ra na siya diri or intentionally nisulod sila diri and then gihulog nila na with GPS ang locator naay mukuha niana, pagkahuman himuong transshipment ang Pilipinas ibyahe na sab nila sa mga neighboring countries nato,”
Gisulti ni Rivera nga tungod sa kamahal walay mopalit sa cocaine dinhi sa nasud.
RadyoMaN Aimee Guinita
