Davao City- Gibana-banaang mokabat sa 250,000 pesos ang sunog nga misugat sa bag-ong tuig nga nahitabo sa Brgy. Wilfredo Aquino Agdao ning syudad sa Davao kaganinang alas dose sa kadlawun ug gideklarang fire out sa mga bombero, alas 4:45 na sa kadlawun.
Kini ang giingon ni Fire Inspector Esequil Tabon, Chief Operation sa Davao City Fire District atol sa interview sa DXDC RMN Davao kaniya diin sumala ni Tabon, mokabat sa 100 ka mga balay ang nasunog tungod sa kakusog usab sa hangin ug gama ang ubang kabalayan sa light materials nga maoy hinungdan nga mikaylap ang kini sa ubang mga balay.
Dugang niini, dili pa nila masulti nga kwitis nga mitugpa sa balay ang hinungdan tungod walay nakasaksi nga mao kunoy rason gani karon nagpadayon ilang imbestigasyon aron sutaon unsay hinungdan sa sunog.
Padayong pahimangno sa Bureau of Fire Protection (BFP) ngadto sa katawhan nga kanunayng mag-igmat, sundon ang mga pahimangno aron malikay sa sunog.
Sa pikas bahin, anaa na usab didto ang “Kusina ng Bayan” kun (Mobile kitchen) sa incident area nga mihatag og pagkaon alang sa mga naapektuhang pamilya sa maong insidente.
RadyoMaN Renz Barbarona
