Unang nasikop mao si Leonald Magallanes, 32 anyos, Billiard Pinball, newly identified drug personality, nagpuyo sa Barangay Cogon, Digos City ug usa ka alias “Jan” atol sa buy bust operation sa Barangay San Jose, alas 9:30 sa gabii. Nakuha sa mga dinakpan ang laing 7 ka pakete sa gitohoang shabu, kantidad tanan og P80K, mga cellphone ug .38 revolver kauban sa 3 ka bala.
Nadakpan usab sa Sta. Cruz Municipal Police Station (SCMPS), si Ronald Singco, 37 anyos, ug residente sa Barangay Coronon, Sta.Cruz, Davao del Sur ug nakuha kaniya ang 7 ka pakete nga motimbang sa 25 ka gramos sa shabu nga mokantidad og P170k, cellphone ug P1K nga mark money sa buy bust operation sa Purok Sampaguita, Coronon, alas 11:00 sa gabii, kinsa giilang street level individual sa kampanya kontra gidiling droga.
Kasong kalapasan sa Republic Act 9165 ang gipasaka batok sa tulo, gawas kang Magallanes nga mag-atubang sa laing kaso o Illegal Possession of Firearms ug COMELEC Gun Ban.
RadyoMaN Joel Viray
