Davao City – Arestado ang usa ka lalaking bisita sa Davao City Jail-Male Dormitory nga nisulay og palusot og mga shabu, Setyembre 7, 2021 pasado alas 2:00 sa hapon.
Mokantidad sa P256,000 o 35 ka mga pakete nga shabu ang nasakmit sa mga personahe sa BJMP XI nga gipangsuksuk sa sili ug sa mga sud-an nga adobo ug humba.
Gi-turnover sa BJMP XI ang suspek ngadto sa Talomo Police Station ug kasuhan kini’g paglapas sa RA 9165.
Gipaniguro ni JSupt. Peter Bongat Jr., warden sa Davao City Jail – Male Dormitory, nga i-intensify pa nila ang clearing operations sa gawas ug sulod sa jail facility.
RadyoMaN Aimee Guinita
Facebook Comments
