TACLOBAN CITY – Gin-aprobahan na han Sangguniang Panglunsod han Tacloban an supplemental budget para han Collective Negotiation Agreement (CNA) bonus han mga empleyado han City Hall.
Kakulop, nagkamayada special session an Sanggunian kun diin tumambong an Presidente han Government Association of Tacloban Employees (GATE) nga hi Jun Kabundukan, sumala ha iya, sobra P20-million an gin-aprobahan nga supplemental budget.
“Mga more than P20-million, intended ito para ha mga casual ngan regular empoyees han city hall.”
Ini naman an ginkompirma ha RMN ni Tacloban City Vice Mayor Jerry “Sambo” Yaokasin. Sumala han Bise Mayor, P26-Million nga budge an ira gin-aprobahan.
P25,000 para ha mga regular, P10,000 para ha mga cusual ngan P6,000 para ha mga job order employees.
Dugang ha pamahayag ni Yaokasin, matapos ngani an pagproseso ha Treasurer’s Office han Tacloban City Government, sunod nga semana makakarawat han mga empleyado an ira bonus.
