Ta enfrenta ahora pesao reclamo y psible ay eleva na corte el un mujer empleyao del un tiende de lajas na KCC mall de Zamboanga despues este ya saca maga alajas ya alcansa balor de P2 milliones de pesos.
Conel suspechao ya conose como si Diana Rose Calunod y Salabsab, 25, dalaga, de Sagrada Familia, Camino nuevo y ta trabaja na Jewel by Audrey na KCC mall.
Primero ya conduci con Calunod na estacion del pulois despues ya gole el dweño del tienda ya sale perdido mas de P1 million balor de alajas.
Pero durante el inventario, ya puede sabe el companiya que mas ya de P2million de peso ya todo-todo el ya sale perdido.
Ya manda pa explica el dweño del tienda con otro maga trabajador pero si Calunod ya admiti que ele todo ya saca el mas de P2million de balor de alajas y ya empeña na maga branches del Palawan Pawnshop.
Con Calunod ya detene na estacion mientras pendiente el plantada de caso de quealified theft na corte contra conele.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
