Davao City – Gibana-banaang anaa sa P2M ang damyos sa nahitabong sunog sa usa ka hardware/warehouse sa Tugbok ning syudad sa Davao subay sa report sa Bureau of Fire Protection (BFP)-XI
Sa pakighinabi sa DXDC RMN Davao kang Police Corporal, Jennlyn Hiquiana sa Mintal BFP, gibutyag niini nga gipanag-iyahan ang maong hardware ni Nelson Lim Sia nga nahimutang sa Km. 22 Los Amigos, Tugbok District, Davao City.
Sa report sa BFP, electrical-related ang hinungdan sa sunog diin subay sa saysay sa tag-iya, human sa nahitabong linog pasado alas-6 sa gabii, nakadungog kini og pagbuto sa ikaduhang andana sa gambalay ug didto na nagsugod ang pag-ulbo sa kalayo.
Alas-7:30 sa gabii usab dihang nadeklara sa kabomberahan nga fireout ang maong insidente.
RadyoMaN Kirby Manzon
