Dinhi sa Zamboanga Peninsula lauman sa mga mag-uuma sa lalawigan sa Zamboanga del norte ug sa tibuok Zamboanga Peninsula region ang dugang nga P3:00 matag kilo sa humay kung mobaligya sa buhatan sa National Food Authority (NFA).
Matod ni NFA-9 regional director procopio trabajo, kabahin kini sa Buffer Stocking Incentive (BSI) sa NFA nga gilusad sa miaging tuig.
Kalabot niini, gilauman nga makadawat sa maximum P20.70 matag kilo ang mga “farmers organizations, samtang ang mga indibidwal farmers apil na ang mga walk-in farmers lauman nga makadawat ug maximum P20.40 matag kilo matod pa sa opisyal sa NFA.
Para matabangan sa pag deliver sa humay ang mga mag-uuma gikan sa mga lagyong barangay pwede nila nga kontakon ang NFA para ma pick-up nga kung diin andam na ang mga hauling trucks sa pag assist sa ilaha.
Gawas niini mopalit sab ug mga basa nga humay ang NFA.
Ang NFA buying stations sa lalawigan dinhi sa Zamboanga Del Norte didto kini makita sa brgy. Gulayon, Dipolog City; Banigan, Liloy at Siocon.
