Davao City- Gibana-banaang mokabat sa 3.7 million pesos ang damyos sa miulbo nga sunog kaganinang kadlawun sa Purok 24-B Ecoland, Barangay 76-A, Davao City.
Kini sumala ni Chief for Operations of Davao City Fire District Fire Inspector Esequil Tabon atol sa interview sa DXDC RMN Davao apan padayon pa nilang ginasuta ang hinungdan sa maong sunog.
Tungod sa maong sunog, duha ka balay, upat ka tindahan lakip ang usa ka hadraware ang naugdaw diin unom ka pamilya, 34 renters ug usa ka sharer ang apektado niini.
Sa karon, nakig-koordinar na ang maong Brgy. sa City Social Services and Development Office kun CSSDO aron mahatagan og hinanaling tabang ang mga apektadong residente.
Sa pikas bahin, gituuhang butane ang hinungdan sa sunog sa Bankerohan kaniadtong adlawng Lunes.
Kini sumala pa ni Insp. Tabon apan padayon gihapon ang ilang follow up investigation aron masuta og unsa gayud ang tinuod nga hinungdan sa maong dakong sunog diin kapin 100 ka mga balay ang nasunog ug kapin 200 ka mga pamilya ang apektado.
RadyoMaN Renz Barbarona
