> UPDATE! Moabot sa P3 milyones an inisyal na danyos sa nasunog na bodega nan J Marketing sa Zabala St., Brgy. Taft, Surigao City. Ini an tagbutyag ni F03 Joed Odvina, an Fire Investigator sa City BFP. Sa exclusibo na pakighinabi sa RMN, an pagbana-bana sa danyos para lamang sa structural building, waya pay labot sa stocks sa mga appliances suyod sa bodega. Tagtudlo ni FO3 Odvina tagtakda pa nila imbitahan an kadagkuan sa J Marketing sa Lunes para sa inventory sa nasunog. Tagpaklaro pa na bugtong nasunog didto sa Zabala St. an bodega ra sa J Marketing, waya na makatabok an kayajo gumikan sa taas na Firewall niini. Dili pa isab matumbok sa kadagkuan sa BFP an nahimong sinugdanan sa sunog labi na kay nagpadajon pa an imbestigasyon. > > > > >
