P300K ayuda gitunol sa Davao ngadto sa Kalibo

30

Davao City – Nihatag og P300,000 cash assistance ang Davao City sa Kalibo, Aklan human kini gipailawom sa state of calamity tungod sa nahitabong dakong sunog niadtong Setyembre 15.

Sa pakighinabi sa RMN Davao kang Disaster Risk Reduction Management Office (DRRMO) head Alfredo Baloran nga natunol na niini ang cash assistance karong adlawa sa Kalibo LGU.


Naggikan ang kwarta sa 5 porsyento nga calamity funds sa dakbayan.

Mokabat sa 270 ka mga tindahan sa palengke ang nangaugdaw tungod sa sunog diin anaa sa P35 million ang damyos.

Niadtong Agosto, nihatag usab og P1 million nga financial aid ang Davao sa Ilocos Norte human kini gilampurnas ni Typhoon Ineng.

Segun ni Baloran nga aduna pay igong pondo ang dakbayan kutob karong Disyembre.

RadyoMaN Aimee Guinita




Facebook Comments