Davao City – Mokabat sa P300,000 ang droga nga nasakmit sulod sa usa ka giingong drug den sa Purok 29, Iga-uy, Barangay Madaum, Tagum City, Davao del Norte.
Segun sa Philippines Drug Enforcement Agency (PDEA-XI), nakaikyas ang subject sa buy-bust operation nga si Ace Robert Chio human nakamatikod nga mga operatiba ang iyang ka-transact.
Naaresto ang lima ka mga gikatahong bisita sa maong drug den nga sila si Michael Albastro, Vincent Albastro, Angelito Alcaide, Angelo Alcaide ug Reynante Mejares
Nakuha sa PDEA-XI ang 20 gramos nga suspected shabu nga adunay street value P300,000 ug uban pang mga drug paraphernalia sa nasangpit nga operasyon. Kasong paglapas sa RA 9165 ang ipasaka batok sa mga dinakpan.
RadyoMaN Aimee Guinita
Facebook Comments
