TACLOBAN CITY – Umabot na an Implementing Rules and Regulations (IRR) para han bag-o nga minimum wage adjustment nga P305.00 dinhi ha Sinirangan Bisayas.
Sanglit, siring han Department Of Labor and Employment (DOLE) kinahanglan na magpatuman an mga employers hini nga bag-o nga kamanduan.
Ha interview han RMN kan DOLE Regional Director Cyril Ticao, pwede makuha an IRR ha mga opisina han DOLE ha bug-os nga Region 8 para hadton diri pa nagpapatuman han bag-o nga wage order.
“Pwedeng silang pumunta sa pinakamalapit na DOLE Provincial Offices at pwede din sa ating Regional Wage Board mayron din tayong kopya dyan para makacomply na lahat-lahat.”
Dugang han opisyal nagpapadayon pa ha pagka-yana an ira monitoring para hadton mga employers nga nagpatuman na ngan diri pa nagpapatuman.
Kun mga budlot la gihap an mga employers ngan diri nagpapatuman han wage order sumala han opisyal pwede ini hira igreklamo ha DOLE ngan prayoridad ini nira nga aaksyunan.
“Pwede silang pumunta sa pinakamalapit na opisina ng DOLE or pwede din silang magpadala ng sulat para mapriority namin sa inspeksyon.”
Pagnahadlok masabtan an ira ngaran nga hira an nagreklamo, siring han opisyal pwede magreklamo bisan waray ngaran ngan ira iinspeksyunon an establisyemento.
Basi ha wage rates, P305.00 na an minimum wage ha non agriculture sector nga mayada sobra 11 nga workers.
P275.00 naman para ha cottage and handicraft sector workers, ngan ha retail and service sector mayada below 10 workers.
P275.00 naman gihap para ha mga worker han agriculture sector.
