General Santos City—Nakipagkoordinasyon ang lokal nga panggamhanan sa dakbayan sa GenSan ngadto sa mga pribado nga sector alang sa gikinahanglan nga lower temperature storage nga mga bakuna nga possible nga muabot sa syudad.
Sa pamahayag ni Atty. Arnel Zapatos, city administrator, kagahapon nga gisugdan na ang bidding process alang sa lease ug rental sa ultralow temperature freezers nga gipanag-iyahan sa mga lokal nga kompanya nga pagabutang sa mga bakuna nga nanginahanglan og ubos nga temperature.
Sumala pa sa opisyal nga kani nga lakang human sa report adunay muabotay nga supply sa bakuna sa syudad sa Pfizer-BioNtech’s Covid-19 vaccines.
Giaprobahan na usab sumala pa sa konseho ang budget nga pondo nga nagkatidad sa P30 million ilalom sa supplemental budget No. 1 nakalabay nga bulan sa Enero.
Gikalipay usab sa administrador human daghan ang mga lokal nga kompanya sa dakbayan ang nakipagtambayayong sa padayon nga pakigbatok sa nasinatian nga pademya.
Una nga gikabutayag sa Department of Health (DOH) nga ang Pfizer vaccines nanginahanglan kini sa ubos nga temperatura gikan sa -80 hangtod sa -60 degrees Celsius.
For more info’s and updates, like and share our official facebook account: www.facebook.com/ifm91.9Gensanofficial/ —————————— ——————————
#TatakRMN
#IFMAngIdolKongFM
#RMNnetworks
#ReachingMillionsNationwide
#RMNFoundation
[image: 1111111111111.jpg]
