Davao City – Gi-aprubahan na sa Davao City Council ang anaa sa P32,295,200 nga budget isip tabang pinansyal sa mga hog raisers sa Brgy. Inayangan, Calinan District ning syudad sa Davao nga gipailawom na sa State of Calamity gumikan sa African Swine Fever (ASF).
Sa interbyu sa DXDC RMN Davao kang Noel Provido, Spokesperson sa Department of Agrculture (DA)-XI, gibutyag niini nga muhatag ang DA og P5,000 sa apektadong hog raisers gawas sa maong financial assistance nga itunol sa lokal nga gobyerno.
Sa pagkakaron matud ni Provido, hugot nga gipatuman ang 1-7-10 protocol o ang pagdili sa pagpasulod o pagpagawas og mga baboy sa one-kilometer radius gikan sa lugar ug papahigayon og depopulation.
“Nag implement ta’g 1-7-10 protocol. Iirog nato siya kay another index case man ni siya. There will be depopulation within the one-kilometer radius,” saysay ni Provido.
Kahinumduman nga ikatulo nga barangay ang Inayangan nga naapektuhan sa ASF human sa Brgy. Lamanan ug Brgy. Dominga sa susamang distrito.
RadyoMaN Kirby Manzon
