Target nga matukod subong nga tuig sa banwa sang T`boli ang ika-19 nga Regional Evacuation Center project sang Office of the Civil Defense ukon OCD 12 nga nagakantidad sa P36 million.
Sa subong suno kay OCD 12 Information Officer Joriemae Balmediano, ginahulat na lang nila ang mga dokumento nga kinahanglanon nga isubmitir sang LGU T`boli lakip na ang area sa diin ipatukod ang evacuation center agud nga marelease na ang pondo para sa nasambit nga proyekto.
Pahayag ni Balmediano nga daku nga bulig sa mga LGU kon may-yara sang permanente nga evacuation center sa tion sang kalamidad kag malikawan na nga magamit ang eskwelahan.
Samtang, paklaro niya nga kon ginagamit man sa subong nga isolation facility sa COVID-19 ang pipila ka mga evacuation sa rehiyon ini ang temporaryo lamang suno pa.
Ginkumpirmar ni Balmediano nga sa subong yara na sa 18 ka mga evacuation center ang natukod sang OCD 12 sa bug-os nga rehiyon.
