Davao City – Pipila ka adlaw human naharang sa Sirawan Checkpoint ang kapin P1-M kantidad sa shabu, laing nagkantidad nga P375, 750 ang nasakmit na usab sa Task Force Davao checkpoint sa Lasang ning syudad sa Davao.
Alas-5:30 adlaw’ng Huwebes sa buntag lamang nadakpan sa hiniusang AFP-PNP checkpoint sa TG Lawin ug PS6 Bunawan sila Jay Sasil, 47-anyos, residente sa Holy Cross, Agdao, Davao City, ug si Jay Mark Torejas, 36-anyos, residente sa San Miguel St, Dumanlas, Buhangin District, Davao City.
Nakuha gikan kang Sasil ang 13 gramos sa gituohang shabu nga nagkantidad og P195, 000 samtang kapin kon kulang 12.05 gramos usab sa gituohang shabu kang Torejas.
Nasayran nga gikan Mati, Davao Oriental ang gisakyan sa duruha nga Starex Van nga dunay plate number MCX 134, kolor itum kinsa gimaneho ni Sasil.
Napansin sa nag duty nga opisyal nga dunay way sulod nga marker pe. Sa dashboard sa sakyanan rason nga gisuta kini’g pag-ayo ug didto narekober ang duha ka mga dagkong pakete sa gituohang shabu nga gitago sa gilid sa driver nga dashboard sa maong sakyanan.
Balhug na sa Bunawan PNP ang duruha kinsa muatubang og kasong may paglapas sa RA 9165 kun Comprehensive Dangerous Drugs Act of 2002.
RadyoMaN Jason Amisola
