Nadawat na sa Provincial Government sa Sarangani ang P4.1 Milyon ka pesos nga kantidad sa tseke gikan sa Department of Labor and Employment alang sa livelihood program. Gitunol kini mismo bag-uhay lang nila DOLE Region 12 Director Sisinio Cano og DOLE Provincial Head Domingo Baron, og personal kining gidawat ni Governor Steve Chiongbian Solon.
Nagpasalamat si DOLE Regional Director Cano sa namugna nilang partnership sa opisina sa gobernador aron daghan pa ang matabangan sa programang panginabuhian sa gobyerno pinaagi sa paghatag og mga starter kit kon mga kagamitan sa pang-negosyo, makatilaw kadtong wala pa nakadawat sa unsa mang ayuda.
Maka-benipisyo sa maong P4.1 Milyon nga pondo ang mga ordinaryong grupo sa kababaihan, kabataan, senior citizen, persons with disability, mananagat, mag-uuma, pampublikong drayber, kanhing mga OFW, lakip na ang mga nanurender sa paggamit og ilegal nga druga. Samtang, gikumpirma ni DOLE Provincial Director Baron nga gawas sa P4.1 Milyon, lauman matud pa nga adunay dungag P9.8 Milyon ka pesos karong tuiga 2019 alang gihapon sa livelihood assistance sa Sarangani Province.
Sa pikas nga bahin, karong adlawa, Lunes, pwede ng makapasa og SPES kon Summer Job application sa PESO Kapitolyo, pangitaon lang si PESO Manager Glenda RevaƱo, kung diin saysenta (60) porsyento sa sweldo o allowance sa kwalipikadong kabataan ang gina-abaga sa panggamhanan ni Governor Solon og ang kwarenta porsyento ang gikan sa DOLE sa liderato ni Pangulong Rodrigo Duterte.
