ILOILO – Liwat na naman nga nabutang sa kontrobersiya ang National Housing Authority (NHA) matapos natukiban sang Sangguniang Panlalawigan sang Iloilo nga wala gihapon natapos ang pabahay program sang NHA para sa AFP, PNP, BFP kag BJMp sa Barotac Nuevo nga nagabalor sang 4.5 billion pesos.
Suno kay Rhodora Lim, estate supervisor sang NHA Iloilo, gin-umpisahan ang proyekto sang 2012 kag tapuson sa sulod sang isa ka tuig, apang 2018 na wala man sa gihapon matapos ang kapin isa ka libo ka unit sang mga panimalay.
Sa pagpangusisa sang sanggunian panlalawigan, wala pa gihapon nahuman ang 1,050 ka unit sa amo nga housing project kag wala man na-turn over sa mga benificiaries bangud wala sang grills ang mga bintana, wala sang door knobs, wala sang indoro, wala sang kuryente kag tubig.
Nahibaluan nga gin-award ang proyekto sa hg-3 construction nga naka base sa manila kag ang tagsa ka balay ang nagabalor sang 250 mil pesos.
Apang ginakwestyon karon sang sangguniang panlalawigan kon ngaa naglab-ot gid sa kapin 4 ka bilyon ka pesos ang nasambit nga proyekto.
Ginpahayag ni 3rd district board member Lorenz Defensor nga ila ginarequest ang mga papeles sa NHA natuhoy sa proyekto agud mahibaluan sang tawo ang rasunes sang pagka delay sang proyekto.
Photo from web/ Not the actual photo
