*El maga pulis del Sta. Maria Police Station ya puede confisca shabu
cantidad de P40,000 desde con el 4 maga suspechao durante el buy-bust
operation ya conduci na Villa, Sta. Maria del sabado aga.*
*El jefe del mencionao estacion si Supt. Mark Azur ya nombra conel maga
arestao como canda Abden Morado y Tillah, alias Dok, 52, casao, Brandon
Lahaman y Tillah, 41, soltero, Mary Cristaliz Niegas y Calubugan,18 y
Aldrin Caballes y Gaganting, 44, casao.*
*El maga pulis ya puede confisca desde na diila possession 20 paquete de
shabu, P300 marked money y cuantos maga drug paraphernalia.*
*Con el maga suspechao ya detene na estacion del Sta. Maria mientras con el
maga shabu ya entrega na crime laboratory.*
*El maga pulis ta prepara ya el propio caso que ay planta con el maga
suspechao na corte. *
