TACLOBAN CITY – Narikupo han Philippine Drug Enforcement Agency (PDEA) an 51 ka-gramo nga gin-aaligar shabu kasangkulop ha Brgy. 76 Fatima Village, Tacloban City.
Ha gindumara nga buy-bust operation han PDEA, ginkilala an suspek nga hi Marc Neil Obias, 18 anyos, waray asawa, waray trabaho ngan residente ha Brgy. 88 Costa Grava dinhi ha Tacloban.
Sumala han PDEA, napalit tikang ha suspek an usa ka-pakete han medium size transparent plastic sachet han gin-aaligar shabu nga may kabug-at nga 1.5 gramo nga nagkakantidad 10, 200 pesos. Narikupo pa han PDEA tikang ha kinamutangan han suspek an unom ka-pakete han medium size plastic sachet han gin-aaligar shabu nga may kabug-at nga 50 gramo nga nagkakantidad 400, 000 pesos.
Maatubang an suspek hin mga kaso nga Sale ngan Possession Of Dangerous Drugs han R.A 9165.
Paslak na an suspek Ha Tacloban City Lock-Up Cell.
