Sa interbyu sa DXDC RMN Davao kang Franz Irag, Office of the Civil Defense XI Operations Section chief, subay kini sa mga gitunol ug gisumiteng mga reports sa mga kadaot nga gibilin sa mga istruktura sa Department of Education XI, Department of Public Works and Highways ug Disaster Risk Reduction and Management Offices.
Sa datos sa nagpadayon gihapong pag-tally ug validation, 13, 560 ka mga indibidwal o 2,942 ka mga pamilya ang apektado.
Matud ni Irag, 1,611 pa gihapon ang nagpabilin sa 20 ka mga evacuation centers.
Samtang, 352 ka mga kabalayan ang totally damage ug 394 ang partially damage.
Segun sa Department of Social Welfare and Development XI, sobra P5 Million ang kantidad nga ayuda nga pagkaon, non-food items (modular tents, family food packs) ang gitunol sa mga apektado sa linog.
Walay missing o namatay sa serye sa linog apan adunay 61 ka mga gitambalan tungod sa pagkalipong o nakuyapan.
RadyoMaN Aimee Guinita
