Davao City – Angayan lamang gyud dugangan ang sweldo sa usa ka trabahante karong panahona aron dili magkalisud.
Sumala ni kanhi Gabriela Partylist Representative ug karon Department of Social Welfare and Development (DSWD) Undersecretary Luz Ilagan, kaniadtong kongresista pa siya iya na kining giduso nga usbawan ang sweldo sa mga trabahante ilabi na sa mga nagpuyo sa dagkong syudad kay dako usab ang ilang galastohan.
Matud ni Ilagan, niadto pang tuig 2007 naghangyo na siya sa Kongreso nga patas-an ang sohulan.
Giklaro usab ni Ilagan nga ensakto ang 42-mil ka pesos matag bulan nga sweldo sa trabahante karong panahona tungod kay daghan’g ikonsidera.
Giingon niya, angayan lang gyud nga ingon niini ang sweldo nga dawaton sa trabahante matag bulan.
RadyoMaN Bernard Pantallon
