Davao City- Mokabat sa P44M na ang natunol nga medical assistance sa Philippine Charity Sweepstakes Office sa mga indigent clients sa entero Mindanao.
Sumala ni Gloria Ybañez Department Manager sa PCSO Mindanao nga sukad niadtong Enero hangtod Setyembre dul-an dos mil na ka tao ang natabangan sa PCSO.
“We have 14 branches all over the Mindanao area to expedite helping those people in need kasi in every branch doon ini-implement iyong Individual Medical Assistance Program. We have also partner hospitals where we have a program called ASAP desks, may mga mag-cater doon na social workers and they will directly communicate to the nearest branch ng PCSO,” matud ni Ybañez.
Mas napadali ang pagpaabot sa tabang sa mga pasyente tungod usab sa mga gimuntar nga ‘ASAP desks’ sa tulo ka mga ospital Davao Region sa SPMC, Brokenshire Hospital ug sa Tagum.
Sa pikas bahin gibutyag ni PCSO Public Relations Officer Florante Solmerin nga sa kampanya sa gobyerno kontra iligal gambling gimuntar nila ang mga small lotteries diin mokabat na sa 200,000 ka mga kanhiay nagasugal ug kadtong mg wala laing panginabuhian ang nahatagan og trabaho.
RadyoMan Aimee Guinita
