Davao City – Gisunog sa mga awtoridad kagahapong adlawa ang nagkantidad og P4M nga mga marijuana nga giingong gikan sa plantasyon sa mga NPA sa may Barangay Tomaong ug Barangay Tubaon, Tarragona, Davao Oriental.
Sumala ni PDEA XI Regional Director Antonio Rivera nga uban ang 701st Brigade, Tarragona Municipal Police Station ug Davao Oriental Police Provincial Maneuver Force Company ilang giataki ang duha ka ektaryang plantasyon sa marijuana niadtong Lunes ug Martes.
“This was an off shoot of several arrests and seizures that we had not only here in Davao City but also in Davao del Sur, Davao del Norte and Davao Oriental kung diin naka-confiscate ta’g kilo-kilo nga marijuana sa atong mga nadakpan so natingala mi asa ni siya gikan? And the information that we got reveals nga kini siya didto gikan somewhere in Tarragona there were two barangays there nga maoy nagatanom niani,” gibutyag ni Rivera.
Segun ni Rivera nga gipanagiyahan ang maong mga pananom nila alyas Esmade ug alyas Melindo pulos mga sakop sa NPA.
“This is really cultivated in fact nakakuha pa mi didto ug sprayer and fertilizer tapos naay nursery didto gamay so meaning giatiman gyod ni siya ug well manicured ang pagtanom nila niani,” matud ni Rivera.
Gisaksihan nila Davao Oriental Provincial Governor Nelson Dayanghirang, Tarragona Mayor Nestor Uy mga representante sa Department of Justice, Civil Society Group ug uban pa ang burning ceremony.
Samtang si Rivera nagtoo nga ang nahitabong pagpapamanhig kagahapon diin usa ka pulis ang samdan nga si PO1 Johnny Morales usa ka pagpanimalos sa NPA human sa pagbungkag sa ilang giingong ‘source of funds.’
“Kay sa pag-eradicate nianing ilang plantation one way or another naapektuhan sila because accordingly this is the source of funds of the NPA so medyo nasakitan sila,” sumala ni Rivera.
RadyoMaN Aimee Guinita
