P4M KAPA money probe padayon

45

Davao City – Sayron pa sa Davao City Police Office (DCPO) kung kang kinsa angay nga mapadulong ang P4M nga kwartang nasakmit gikan sa nagpailang kanhing bodyguard ni KAPA founder Pastor Joel Apolinario.

Matud ni DCPO Chief Col. Kirby John Kraft, padayon sa gihapon ang ilang imbestigasyon ilabi na kung apil bang gikasuhan sa National Bureau of Investigation (NBI) sa kasong syndicated estafa ang bag-ohay lang nga nadakpan.


“We are still investigating it and we will determine kung sino ba dapat talaga ang makakakuha nung pera,” saysay ni Kraft.

Saysay sa hepe sa DCPO nga dili krimen ang magbaton og P4M nga kwarta kung dili kini gikan sa iligal nga buhat, gani mabalik gayud kini ilabi na kung mapamatud-an nga iya gayud ang maong salapi.

Kahinumdoman nga nadakpan sa Bunawan Task Force Davao (TFD) checkpoint si Edilberto Naupan, 44 anyos, taga-Bislig, Surigao del Sur human nakuhaan og armas nga walay lisensya ug nagdala sa dakung kantidad sa kwarta.

Kasong kalapasan sa Republic Act 10591 (Illegal Possession of Firearms and Ammunitions) ug Article 212 sa Revised Penal Code (Corruption of Public Officials) ang atubangon sa dinakpan.

RadyoMaN Jason Amisola

Facebook Comments

From Advertisers