Davao City- Mosumada sa P5.7M ang damyos sa sunog sa dakbayan sa Davao sa bulan sa Agosto 2020.
Sa interbyu sa RMN Davao kang SFO3 Ramil Gillado, Davao City Fire District Investigation Chief, mokabat kini sa 36 ka mga fire incidents diin 20 niini structural ug 16 ang non-structural.
Nag-unang hinungdan sa sunog mao ang electrical ignition nga sagad natigayon sa mga residential areas.
“Nakita nato nga pinakadaghang hinungdan ani electrical ignition. Naa diri mapasok ang electrical short circuit, electrical arching due to loose connection, nag-overheat nga gamit sa mga structural nga involved sa fire incidents.”
Pipila sad sa mga na-rekord nga mga rason sa sunog mao ang mga napasagdang niluto, mga nagdula og posporo ug uban pang mga flammable items.
Samtang sa bulan sa Setyembre adunay 3 ka mga sunog nga natigayon sa mga residential areas ug estimated anaa sa P1.7M ang damyos niini ug usa sa mga hinungdan arson kun tinuyuan ang pagsunog.
(Aimee Guinita)
